Savera…

Chidhiyon Ki Chachaahat Se,
Neend Khuli Thi Meri,
Pardo Se Chann Chann Kar,
Dhoop Khili Thi Kam Kam…

Parde Ko Kinare Kar,
Jaise Hi Dekha Baahar,
Swarnim Akash Mein,
Suraj Ki Lalima Thi Chanchal…

Pakshki Akash Mein,
Ghote Aise Laga Rahe The,
Mano Wahi Iss Sunhere,
Savere Ke Samraath/Darshak The…

Jaise Hi Dhoop Ne,
Mujhe Kuchh Chua,
Barbas Sa Ek Anmol,
Ehsas Mujhe Kuchh Hua…

Bahoan Ko Faila,
Chaatti Ko Chauda Kar,
Shudh Hawa Ko Maine,
Apne Ander Mehsus Kiya…

Khidki Ke Ander Aati,
Dhoop Mein Dhul Ke Kadn,
Jhilmil Se Chamak Rahe The,
Apne Hone Ka Ehsas Kara Rahe The…

Ek Adbhut Si Sukoon Deti Hain,
Savere Ki Gunguni Dhoop,
Navchetna Ka Ehsas Sa Deti,
Savere Ki Manbhavani Doop…

Savere Ki Roshni Se,
Mann Pulkit Sa Ho Jata,
Dheere Dheere Hi Sahi,
Tann Mann Srajit Ho Jaata…

Surya Prakash Arya
sparya_in@yahoo.com

(This Hindi Poem is dedicated to topic of ‘Savera’ means ‘Morning’, which tells us how blissful is the morning for all of us).

AAP…

Har Taraf Bas Aap Hi Aap,
Jalwafarosh Se Ho Gaye Hain,
Jis Taraf Bhi Nazar Pheinkein Toh,
Aap Mashur Bas Ho Gaye Hain …

Aap Ka Kehana Hi Kya Hain,
Awaaz Mein Jo Ek Shor Hain,
Sahme Huye Dil Ko Bhi Bas,
Aap Ka Hi Thaur Hain…

Aap Ki Muskaan Bhi Toh,
Kya Gazab Si Daati Hain,
Achhe Achhaon Ki Bas,
Aukaat Pata Si Chal Jati Hain…

Aap Ki Ankhaon Ki Bhi,
Badi Hain Chancal Putliyan,
Jo Dekhti Kahin Aur Hi Hain,
Aur Nishana Kahin Aur Lagati…

Aap Ki Chal Ke Bhi Kya Kehne,
Achhe Achhe Kayal Ho Jate,
Shurveer Toh Bas Aaise He,
Dum Bhar Ke Bas Chup Ho Jaate …

Aap Ke Vayade, Kyon Aap Hi Hain Jaante,
Aap Ke Paimaane, Kyon Aap Hi Hain Bandhte,
Aap Keval Aap Mein Hi, Na Ulajh Ke Reh Jana,
Zamane Bhar Ka Hisaab Bhi Toh, Aap He Ne Jo Rakhna…

Yeh Badlav Ka Samay Hain,
Tabhi Toh Keval Aap Ka Hi Jikr Hain,
Shor Sharabe Ki Tang Galiyon Mein,
Aap Ka Bas Aap Ka He Sukr Hain…

Surya Prakash Arya
sparya_in@yahoo.com

(This Hindi Poem is dedicated to famous word of “AAP”, getting lots of curiosity and importance these days. But, I am focusing on the other perspective of “AAP” as a poet).

Pathbrashta…

 Raaste Toh Kudh Hi Talasho,

Dayein Bayein Tumhi Talasho,

Mat Daro Tum Inn Tedhe Raston Se,

Aur Dhul Mein Sante Apne Pairon Se…

Path Par Agar Bhatak Jao Tum,

Har Disha Par Drishti Duadhna,

Aur Jo Path Tumhe Samaj Aaye Toh,

Uss Par Agey Bus Badte Jana…

Ho Sakta Hain Kuchh Mushkil Aaye,

Jab Saans Tumhari Kuchh Phul Jaye,

Do Pal Zara Tum Saans Lena,

Phir Chal Dena Aur Aage Badana…

Kuchh Kuntehit Logon Ka Yadi Saath Mile Toh,

Jo Bramith Kar De Tumko Agar Toh,

Ek Lambi Si Tum Saans Lena,

Par Pathbrashta Bus Nahin Hona Tum…

Jeevan Mein Kai Padhav Aayenge,

Kuchh Khatte Kuchh Meethe Ehsaas Denge,

Khatton Se Tum Vichalit Mat Hona,

Meethon Se Pathbrashta Mat Hona…

Aur Gar Ho Gaye Tum Pathbrashta,

Aur Phansh Gaye Galatfahmi Mein Tum,

Uss Samay Na Ho Mehsus Gar Yadi Tumhe,

Toh Phir Kya Hoga Aage Tumhe Kabool…

Haan Maan Lena Pathbrashta Ho Gaya Tha,

Jo Saza Milegi Ussey Bhugat Lena,

Pachchtap Ka Mauka Yadi Mile Toh,

Haans Kar Ussey Bhi Seh Lena…

Par Mat Ghabrana Galtiyon Se,

Yehi Toh Deti Hain Anubhav,

Paristhithiyan Hi Sikhati Hain Sab,

Toh Pathbrashta Kyon Hone Ka Dhar?

Toh Pathbrashta Kyon Hone Ka Dhar?

Surya Prakash Arya

sparya_in@yahoo.com

(This Hindi Poem is dedicated to those people, who while living life gets lost in the maze of its turns and twist. Even however, one loses his path, he has to face its consequences, but then ultimately has to move forward)

Saach…

Kya Hain Saach ,

Ye Sochta Main,

Ankhon Ko Band,

Kuchh Sochta Main…

Paribhashit Karna,

Hain Kathin Nahin,

Par Saach Batlana,

Hain Asaan Nahin…

Kehte Hain,

Saach Katu Hota Hain ,

Jisko Sunna,

Bada Muskil Hota Hain…

Jeevan Mein Kai,

Modh Hain Aate,

Toh Kabhi Unche Udd Jate,

Toh Kabhi Dharti Pe Ghir Jate…

Kaam Umr Ke,

Ladhakpan Mein,

Hum Sharma Ke,

Inhe Chupate…

Kuchh Yahin Se,

Dincharyaa Aarambh Hoti,

Jo Prashtra Kar Deti,

Marg Jooth Ke …

Jooth Ke Tano Bano Mein,

Ek Ajeeb Sa Ulhaas Aata,

Aur Jooth Ko Hi Saach Maan Kar,

Zindagi Mein Anand Aata…

Yeh Swapn Toothta Hain Tab,

Lagti Hain Thokar Badi Jab,

Aur Jooth Ka Phulinda Tab,

Kar Deta Hain Satyanaash Jab…

Kuchh Wahin Se Ladhakpan Bhi,

Ek Maryadit Sa Ho Kar,

Bona Bana Deta Hain,

Joothi Shaksiyat…

Bus Wahi Se Ek Yatra,

Aarambh Hoti Hain,

Jahan Sach Ka Bolbala Hota Hain,

Aur Joothe Ka Muhh Kala Hota Hain…

Yeh Matr Ek Kalpana Nahi Hain,

Na Hi Yeh Ek Santavana Hain,

Yeh Toh Ek Matr Satya Hain,

Ki Saach Saach Sarvmanya Hain…

Surya Prakash Arya

sparya_in@yahoo.com

(This Hindi Poem is dedicated to ‘Saach’ mean ‘Truth’, which is easy to explain but difficult to follow)

Himalayan Tsunami

Har Taraf Vinaash Ki Leela,

Jise Dekh Ke Har Koi Bola,

Bum Bum Bole Kedar Baba,

Kyon Hain Tu, Akroshit Re?

Kedar Mein Tere Vaas Main,

Mandakini Ne Kaisa Rodra Roop Dikhaya,

Samaj Mein Nahi Aayi Baba,

Teri Yeh Daravani, Mahamaya….

Nashtar Si Chubhti Baarish Ne,

Him Khando Ko Aisa Dehlaya,

Damru Ke Jaisi Dum Dum Ne,

Shilaon Ko Bhi Bona Banaya….

Bhayankar Ek Jal Pralay Aayi,

Jo Leel Gayi Bhakton Ki Jaan,

Har Taraf Kohram Macha Tha,

Idhar Udhar Bus, Mataam Pasra Tha….

Kuchh Jo Deen Bach Gaye They,

Vipaati Mein Jo Sabh Kho Chuke They,

Par Wo Bhi Teri Vinaash Leela Mein,

Thak Ke Nishprann, Ho Chale They….

Unn Kuchh Bache Durdino Ne,

Kahin Parbat Pe Damm Tha Toda,

Aur Kuchh Tere Bhakta Jano Ne,

Bhuk Pyas Se Damm Tha Toda….

Jab Tandaav Tera Kuchh Shaant Hua,

Tabh Manavta Ne Tujhko Pranaam Kiya,

Jaise Taise Rahat Pahuchayi,

Aur Bache Kucho Ne, Tera Gungaan Kiya….

Par Tantra Ke Viphalta Ne Bhi,

Ek Gehra Sa Nasoor Diya,

Apno Ko Dhundhte Bhilakte Logon Ne,

Kadave Anubhavo Ko Prasarit Kiya….

Matha Aisa Bhanna Ke Bola,

Kiski Galti, Kaun Bhugatta?

Rajneeti Kabhi Toh Chodo,

Abhi Toh Karlo Sachi Janseva….

Janseva Mein Meva Na Dekho,

Iss Vikat Trasadi Mein,

Ek Juth Sabh Ho Lo,

Jo Ho Sakta Hain Karlo Karlo….

Kudrat Ki Iss Krur Leela Ne,

Kitno Ka Kya Kya Tha Loota,

Aur Marghat Ke Sannate Ko,

Kar Krandan Ke Cheekk Ne Kachota….

Himalayan Tsunami Ka Jab Drishya Dekha,

Lashon Ke They Dher Ko Dekha,

Marnashan Aur Bhilakte Logon Ko,

Apno Ke Liye Bhatakte Dekha….

Yun Haath Pe Haath Rakhkar, Mat Baith,

Jo Kar Sakta Hain Tu, Karke Baith,

Yeh Pralay Hain Tera, Ek Imtihaan,

Apne Ko To, Tu Khud Pehchan….

Haath Tera Jo Utta Madaad Ko,

Abh Isko Rakhiyo Tu Sambhaal,

Shann Shann Mein Thoda Thoda Hi,

Dukhiyaro Ko Degha, Abh Prann….

Shann Shann Mein Thoda Thoda Hi,

Dukhiyaro Ko Degha, Abh Prann….

  

By-Surya Prakash Arya

Dehra Dun

sparya_in@yahoo.com

This Hindi Poem is a small tribute for all those people who have died or lost their near and dear ones in “Himalayan Tsunami on 16^th-17^th June,2013 in Kedarnath, Badrinath, Chamoli, Uttarkashi, Pithoragarh, Tehri and other regions of Uttarakhand. May the soul of departed devotees (bhaktajans) “Rest in Peace”. – RIP. 

Udaan…

Kalpana Ki Udaan,
Bhari Hain Meine,
Saaf Neele Aakash Mein,
Chandrama Ki Parchaii,
Dekhi Hain Meine,
Pakshiyon Ko Duur Gagan Mein,
Udaan Bharte Dekha Hain Meine,
Har Din Jhund Mein,
Tinke Tinke Ke Liye Bhi Usey,
Bhatakte Dekha Hain Meine,
Par Bhatak Ke Thakte Huey,
Nahi Dekha Hain Usey Meine…

Suraj Ki Tapish,
Mahsoos Kari Hain Meine,
Uss Tapish Mein,
Pedon Ko Saans Lete,
Dekha Hain Meine,
Ussi Tapish Mein,
Kathor Tap Karte Manushya Ko Bhi,
Dekha Hain Meine,
Tap Ke Baad,
Agyaan Se Gyaan Ke Paath Par,
Chalte Bhi Manushya Ko Dekha Hain Meine…

Sitaron Ki Timtimahat,
Dekhi Hain Meine,
Kuchh Ko Safad,
Kuchh Ko Laal,
Hote Dekha Hain Meine,
Kuchh Puchhal Taare Bhi,
Dekhein Hain Meine,
Kuchh Taraon Ko,
Tuth Te Bhi Dekha Hain Meine,
Aur Kuchh Naye Sitaron Ko,
Bante Bhi Meine Dekha Hain…

‘Kuchh’ Ko Kori,
Kalpana Ki Udaan,
Bharte Bhi Meine Dekha Hain,
Aur Udaan Ke Baad,
Dhamm Se Girta Bhi,
Dekha Hain Meine,
Par Anmol Baat Yeh Hain,
Usi ‘Kuchh’ Ko Phir Se,
Nirbhik Aur Safal,
Udaan Bharte Bhi Dekha Hain Meine…

Baat Sirf Udaan Tak Simit Nahi Hain,
Baat Toh Udaan Ke Baad Uss,
Badle Huey Paridrishya Ki Hain,
Aisa Paridrishya Jahan,
Khatta Meetha Kadwa Aur Namkeen,
Gyani Agyani Paapi Aur Peer,
Ek Aisa Jevant Udhaaran Ban,
Uss Parikalpana Ko Saadrishya Kar,
Ek Aisi Mithaas Ghol De Jeevan Mein,
Jisko Paake Tript Ho Jaye,
Har Manav Ka Jeevan Amrit…
Har Manav Ka Jeevan Amrit…

Surya Prakash Arya

sparya_in@yahoo.com

(This Hindi Poem is dedicated to topic of ‘materialism’, in which we all into unknowingly or knowingly at some point in time. Human desire is absolute and ‘rat-race’ in present time is result of this. Therefore, getting inner bliss is more important and that is something will make life more wholesome).

Mein Toh Meerut Ka Jat Hun…

Na Taimur Hamein Hain Rokh Paya,
Na Angrej Hamein Hain Todh Paya,
Mein Toh Meerut Ka Jat Hun,
Iss Desh Ka Sachh Haath Hun…

Attahara Sau Sattavan Ki,
Jang Ka Mein Pratibimb Hun,
Nara Diya Tha ‘Dilli Chalo’ Ka,
Bharat Ka Mein Bhi Saput Hun…

Kali Paltan Ne Jab Asis Di,
Tabh Goro Ka Kya Maat Di,
Tabh Kaun Hamein Tha Rokh Paya,
Azadi Ka Kya Alakh Jagaya…

Yahan Ki Sardi Aur Garmi Bhi,
Yahan Ki Baarish Aur Basant Bhi,
Sabhkuchh Aise Lagte Se Hain,
Jaise Mere Koi Apne Se Hain…

Yahan Lahalahate Khet Bhi Hain,
Aur Yahan Pe Udyog Bhi Hain,
Dilli Bhi Yahan Se Dur Nahi,
Meerut Ka Koi Mol Nahi…

Shiksha Ka Yeh Ek Kendra Hain,
Khelo Ke Liye Yeh Bemail Hain,
Itihaas Yahan Ka Bada Niraala,
Mandodari Ne Ravaan Ko Pa Dala…

Mein Toh Meerut Ka Jat Hun,
Iss Desh Ka Sachh Haath Hun…

Surya Prakash Arya

sparya_in@yahoo.com

(This Hindi Poem is dedicated to Historical City of Meerut, which is famous from Ramayaan Yuga to Pre-independence Period to Present time).

Baal Hat

Chota Sa Nanha Munna,
Abh ‘Baal Hat’ Karne Laga Hain,
Maa Aur Baba Ko,
Apna Hone Ka Ehsaas,
Karane Laga Hain…

Har Din Kuch Nayi Si,
Shararat Karke,
Abh Khub Chaukane Laga Hain,
Aur Baat Baat Mein,
Khilkhila Kar,
Dil Ko Behlane Laga Hain…

‘Baal Hat’ Ka Namuna,
Bhi Kya Khub Hain,
Rone Ka Bahana Kar,
Ghumna Bhi Khub Hain,
Aur Bus Maa Baap Ko,
Tehlana Bhi Khub Hain…

Kar Krandan Se Jab,
Kaan Ghanghanate Hain,
Na Jane Kaise Yeh Samaj Kar,
Khud Hi Chupchap Ho Jaate Hain,
Aur Chehre Ke Shant Bhav Dekh Kar,
Phir ‘Baal Hat’ Par Uttar Aate Hain…

Yeh Sabh Baatein,
Mann Moh Leti Hain,
Godh Mein Utta,
Ek Chumbhan Lal Ko De,
Uski Khilkhilahat Mein Sabh,
Kuchh Bhula Dete Hain…

Balak Abhi Bahut Chota Hain,
Maa Baap Par Haq Uska Hain,
Ta Ta Ka Ka Kar Kar Ke Woh,
Humko Vash Mein Kar Leta Hain,
Aur Phir Vash Mein Karke Bhaiya,
‘Baal Hat’ Woh Phir Karta Hain…
‘Baal Hat’ Woh Phir Karta Hain…

Surya Prakash Arya

Sparya_in@yahoo.com

(This Hindi Peom is throwing a further light on daily activity of ‘Krish’ as we are watching him growing every day and noticing his ‘Baal Hat’, which is a new experience for us also).

Mahangai

Sensex Uchal Raha Tha,
CPI WPI Bhi Apni,
Chaal Chal Raha Tha,
Aur Mein Adami Bhi,
Bada Mayus Sa,
Inn Chaalon Mein,
Apni Takdheer Likh Raha Tha…

Market Ka Jo Uchaal Aaya,
Sabh Ko Jane Kya Behkaya,
Share Ke Uchale Bhaavo Mein,
Tujh Ko Mujhko Aisa Behlaya,
Par Jab Yeh Samaj Aaya,
Toh Khate Ko Kangaal Paya,
Phir Kya Tha?
Aate Daal Ka Bhaav Samaj Mujhe Aaya…

Sona Aise Pragati Kar Raha Hain,
Jaise Cheen Seena Taan Ke,
Padosiyon Ko Chintit Kar Raha Hain,
Abh Har Din Soch Raha Hun,
Kaise 23 Ko 16 Carat Ka Kar,
Rusht Biwi Ko,
9 Lakka Har Pahnau…

Bachhon Ki Har Din Kit Kit Se,
Abh Tang Main Hone Laga Hun,
Nike Addidas Aur Rolex Ke,
Pher Mein Phaans Ne Laga Hun,
Kya Karaun Bhai Mein,
Mahangai Se Mein Bahut Dharne Laga Hun…

Chai Mein Dudh Abh Gayab Kar,
Biwi Ne Mujh Ko Kya Khoob Behlaya,
Sawale Salone Dhamkte Chehre Ko,
Nimbu Ki Chai Sa Asar Batlaya,
Meine Bhi Haste Haste,
Chai Gatakte Gatakte,
Chupke Se Malai Sang Ban Toast Khaya,
Phir To Biwi Ke Gusse Ke Sailab Mein,
Meine Na Jane Kaju Kishmish Sabh Kuchh Gavaya…

TV News Mein Inflation Ka,
Graph Mein Har Roz Dekhne Laga Hun,
Aur Dekh Dekh Ke Apne BP Ko,
Biwi Se Roz Napwaane Laga Hun,
Jise Dekh Kar Biwi Kehti Hain,
Arrey Jab Jaldi Hi Jaane Ka Plan Hain,
Toh Bank Mein Bhare Khate Ka,
Kya Kaam Hain,
Jaldi Se Usko Mere Naam Kara Do,
Phir Na Rahega Tumhara Khata,
Bus Sabh Rahega Har Din Kuchh Jata,
Phir Na Hogi Tumko Inflation Ki Tension,
Aur Na Hi Badega BP Tumhara,
Sunkar Mangaai Ki Mention…

Iss Behad Hi Behudi Bare,
Exception Ko Maan Raha Hun Mein,
Ek Bahut Hi Bada Suggestion,
Aur Nak Muhh Sikod Ke,
Palang Pe Pada Hun,
Befikri Ke Saath,
BP Ko Bhula,
2 Peg Ko Chaddha,
Mahangai Ko Aate Ke Kanaster Mein Rakh,
Biwi Bacchon Ke Sang Mast,
Dard Ko Chuppa Bhula,
Jee Raha Hun, Bus Jee Raha Hun…

Surya Prakash Arya
Sparya_in@yahoo.com

(This Hindi Peom is actually telling about some bitter sweet experiences of Mahangai on our daily life and how we are dealing with it on daily course of activities).

Lucknow, Mein Bada Mashhoor Hun,

Sadbhav Ka Shahar Hun,
Lucknow, Mein Bada Mashhoor Hun,
Awadh Ki Mein Shann Hun,
Aur Bharat Ka Swabhimaan Hun,

Meri Tameez Ke Charche Hain Aam,
Ganga Jamuni Ki Tehzeeb Kya Kamaal,
Bhatkhande Kathak Ka Kya Kehna,
Laajawaab Hain Yahan Khan Paan,

Chikankaari Ka Yahan Dastur Hain,
Ganjing Ka Bhi Yahan Suroor Hain,
‘Pehle Aap’ Ka Chalan Bhi Khoob Hain,
Charbagh Toh Jag Mashhoor Hain,

Bhulbhulaiya Roomi Darwaza,
Aur Tang Galiyon Mein Aminabad Hain,
Shahar Hain Yeh Nawabaon Ka,
Gomti Nadi Ke Kinaro Ka,

Urdu Zubaan Ka Kya Hain Kehna,
Bhojpuri Bhi Iska Gehna,
Khadi Boli Bhi Boli Jaati,
Chalan Bhi Yahan Hain Hinglish Ka,

Awadh Ki Mein Shann Hun,
Aur Bharat Ka Swabhimaan Hun,
Lucknow, Mein Bada Mashhoor Hun…

Surya Prakash Arya
sparya_in@yahoo.com
(This Hindi Poem is dedicated to my beloved city “Lucknow”. Lucknow is the Capital City of Uttar Pradesh, India's most populous state famous for it's 'Tameez' and 'Tehzeeb')