Srankhala Maa – Peedha

Ija Ko Peedha Mein Yaad Karna,
Barbus Bus Pitro Ko Yaad Karna,
Baichaini Mein Karhate Karhate,
Anshuon Ko Ankhone Mein Tham Lena…

Asahaniya Peedha Ko Jhel Jana,
Karvat Badalna Bus Aur Badalna,
Aur Bolna Kab Tak Sahunga,
Peedha Abh Tu Peecha Chod Na…

Dard Ki Davaa Bhi Asarheen Ho Chali,
Balm Bhi Apna Asar Kho Rahi,
Minto Ko Abh Gin Raha Hun,
Guzre Samay Ko Soch Raha Hun…

Bhuk Na Jane Kaha Ghum Ho Gayi,
Pyas Bus Paani Ki Jo Badh Rahi,
Inke Ulat Pher Mein Na Jane,
Zindagi Abh Zahanumm Lagne Lagi…

Iss Kedar Dard Se Pareshaa Hun,
Kabhi Gas Ka Dard Satata Hain,
Toh Kabhi Kandha Bada Satata Hain,
Nahi Toh Kamar Dukhti Rehti Hain Bus…

Bus Pote Ka Ek Jhank Ke Dekhna,
Dard Par Marmah Sa Laga Deta Hain,
Lagatar Se Lagti Peedha Ko,
Shane Bhar Ke Liye Bhula Deta…

Mann Bahut Hi Vyakul Hain,
Kya Kiye Hain Maine Paap,
Itna Kyon Mein Dukh Jhel Raha,
Kya Meine Kiye Itne Paap…

Neendh Jab Thoda Agosh Mein Leti,
Sapno Ka Ambhaar Lag Jata,
Jaane Koun Koun Mere Bister Ke,
Baju Mein Bus Baith Jata…

Badbadne Lagta Barbus He,
Lagta Jaise Woh Mere Pass Hain,
Ankhein Khol Ke Dekhta Jab Mein,
Safar Bada Lambha Sa Lagta…

Jee Chuka Hun Zindagi Ko,
Bachhon Ko Meine Bana Diya Hain,
Antim Path Par Bus Chalne Ko,
Pangti Mein Main Lag Chuka Hun…
Pangti Mein Main Lag Chuka Hun…

By-Surya Prakash Arya
Sparya_in@yahoo.com

(This Hindi Poem is a heartfelt tribute to the sudden death of my father Shri Ganga Prasad Arya on 7.30 am on 12.01.2014. This poem is second part of ‘Srankhala Maa – Peedha’. Me and my family member are mourning the death of my beloved father, whose death has created an emptiness in our life and life is looking very uphill as of now. We pray from Almighty “Maa Bhagwati” and “Golu Devta” to give peace to the departed soul of my father and he shall have a wonderful, peaceful life in his next inning. We all love you and remember you, wherever you are).

Srankhala Maa – Shraddhanjali

Subah Subah Mobile Ke Ghanghanate He,
Vyakulta Mein Meine Phone Uttaya,
Number Jab Ghar Ka Dekha Toh,
Anayas He Main Bahut Gabraya…

Vichlit Si Ghabrayi Awaaz Mein,
Behen Ne Kuchh Aisa Kaha,
Sunte He Mann Ke Kone Mein,
Shunyapan Ka Ehsas Hua…

Hadbadahat Mein Khud Ko Sambhala,
Aur Behen Ko Bola Ghabra Mat,
Thoda Aur Bus Tu Date Rehna,
Kuchh Jo Ho Sake Jaldi Karna…

Baateon Mein He Dukh Jhalaka Tha,
Soch Ke Jiss Ko Hosh Udda Tha,
Samaj Jaise Jadh Ho Chuki Thi,
Dukhti Rag Jaise Kachot Rahi Thi…

Phir Buri Khabbar Pakki Huyi,
Jhakjhor Di Jisne Andar Tak Jaan,
Pathar Jaise Tutt Gira Tha,
Shamshan Ka Bus Rasta Dikha Tha...

Apno Ne Haath Bada, Diya Honsla,
Kar Diya Antim Kriya Ka Faisala,
Jaise Taise Uss Prasthan Ki,
Karni Padi Sabh Sari Vyavastha…

Pitaji Ki Antim Yatra Ke,
Intizaam Kuchh Jald Kare,
Beheno Jija Bhai Aur Mama,
Sabne Kuchh Sahiyog Kiye…

Bhav Bhini Vidai Ke Samay,
Anshu Aur Phoolon Apran Kar,
Pairo Ko Chukar Pitaji Ke,
Sabhi Ne Apni Shraddhanjali Di…
Sabhi Ne Apni Shraddhanjali Di…

By-Surya Prakash Arya
Sparya_in@yahoo.com

(This Hindi Poem is a heartfelt tribute to the sudden death of my father Shri Ganga Prasad Arya on 7.30 am on 12.01.2014. This poem is first part of ‘Srankhala Maa – Shraddhanjali’. Me and my family member are mourning the death of my beloved father, whose death has created an emptiness in our life and life is looking very uphill as of now. We pray from Almighty “Maa Bhagwati” and “Golu Devta” to give peace to the departed soul of my father and he shall have a wonderful, peaceful life in his next inning. We all love you and remember you, wherever you are).